26 dic 2010
O Festival de Nadal 2010
O derradeiro día de clases, antes do Nadal, fixemos o Festival no que participaron tódolos nenos e nenas do colexio.
Houbo teatro, panxoliñas en Galego, Castelán e Inglés... e como remate, un neno de terceiro de Primaria interpretou música do Nadal ao saxofón.
17 dic 2010
Os gatiños no Nadal...
Que todos os nenos vexan caras de felicidade neste Nadal a pesar de que no noso interior teñamos motivo para a tristura.
10 dic 2010
O MUNDO VIRTUAL DE SHIDONNI:
O mundo virtual Shidonni é unha rede baseada no entretemento educativo para nenos e nenas de 4 a 12 anos, máis ou menos. Os usuarios crean as súas propias mascotas, ás que deben coidar e atender o mellor que poidan. Pero ademais deben debuxar os seus propios mundos animados. Desde o verán de 2009, este mundo virtual está en español, entre outros idiomas ademais do inglés.
Os nenos empezan debuxando unha mascota virtual, ou varias, se así o desexan. A continuación, buscan un nome adecuado e pulsando na tecla OK correspondente, a mascota cobrará vida, case como por encantamento. Unha vez que a mascota adquiriu esa presenza nun mundo virtual, haberá que deseñar e debuxar o lugar onde vive, e alimentala, limpala, conseguirlle amigos e facer que descanse. E moitas máis cousas aínda por descubrir e compartir.
